Lapolis Nasyonal Dayiti se yon enstitisyon Repiblikèn, kidonk tout aksyon l ap poze dwe kadre ak lalwa, tankou: konstitisyon peyi a, konvansyon sou respè dwa moun, epi prensip ak règleman dewontolojik PNH la.

Se vre anviwònman sekirite peyi a chanje akoz plizyè fwaye gang ki enstale toupatou pandan plis pase 2 zan, sa ki fè Polis Nasyonal oblije angaje l nan mennen operasyon chak jou pou demantle gang sa yo epi mete anba kòd tout malfra k ap komèt zak malonèt sou popilasyon sivil lan. Nan kad operasyon sa yo malerezman gen bandi ki rive tonbe nan twoke kout bal ak Lapolis.

N ap raple, PNH la pa gen pou ekspoze kadav bandi sou rezososyo, men pito pataje tout enfòmasyon esansyèl pou popilasyon an kapab konnen travay PNH la ap reyalize. Sitwayen, sitwayèn kontinye fè Polis ou a konfyans, epi evite pran nan divèsyon tout kalte, paske Polis la se popilasyon an, popilasyon an se Lapolis.